Despues di un anochi hopi alegre na Centro di Bario Brazil, Stichting Musica ta sumamente entusiasma pa anuncia e banda y participante nan pa Aruba Caiso & Soca Monarch 2020.
E banda y participante nan sigur a causa un impacto durante e anochi final di registracion. Stichting Musica ta contento di por mira tanto creatividad y animo pa cu e festival y lo anuncia e ganador di e “banda mas anima” di e anochi aki, na final di e temporada.
PREFINALS – DAY 1 Dialuna, 27 januari 2020
1. Upgrade Music 2. MAdness Fellow 3. Sound & More 4. Grupo Stimami 5. The Failures 6. Tsunami 7. Zeta Band
PREFINALS – DAY 2 Diamars, 28 januari 2020
1. Le Groove 2. The Good Times Band 3. Robert y su Solo Banda Show 4. Youth Xtreme 5. N.B.O. 6. Hot Ones Band 7. OREO
PREFINALS – DAY 3 Diaranson, 29 januari 2020
1. STEAM 2. D’Licious 3. Buleria 4. The Crew 5. Ambiance 6. N’Fuzion 7. Mellow
Dialuna awor, dia 27 di januari 2020 e prome anochi di Prefinals ta tuma lugar na Aruba Carnival & Entertainment Village. Tur anochi lo cuminsa 8’or en punto y kaarchinan pa entrada ta na benta na Citgo Boulevard, Citgo Palm Beach, Citgo Santa Cruz, Citgo Essoville y Ponton Service Station.
Ta posibel pa cumpra kaarchi pa cada anochi separa na balor di Afl. 25,- pa cada anochi di Prefinals. Entrada pa Caiso Finals y Super Saturday Soca Finals ta costa Afl. 50,- pa cada anochi. Tambe tin un ganga, cual ta e package completo na e prijs special di Afl. 85,- cu ta duna entrada pa tur 5 anochi di e festival. Tambe ta posibel pa cumpra tickets uzando e servicio di Pay.aw.
E finalistanan pa loke ta trata e Caiso Finals (diabierna, 31 januari 2020) y e Super Saturday Soca Finals (diasabra, 1 februari 2020) lo wordo anuncia na final di e di tres anochi di prefinals. Stichting Musica ta invita un y tur pa bin apoya nan participante preferi y goza di cinco anochi di espectaculo na Aruba Carnival & Entertainment Village. Riba e Facebook page di Stichting Musica por keda na altura di tur desaroyo y informacion.
