Un drama cu a shock Alemania, especialmente e pueblo di Rot am See, na Baden Württemberg. Adrian S. (26) un dia prome cu ta dera su wela, ela asesina su mayornan, su omo, su tanta, ruman muher y un ruman homber di banda di mama. E famia tabata bayendo entiero di e wela, mama di su mama y a dicidi di haci un stop na Rot am See.
Rot am See, Baden Württemberg, Alemania: Diabierna e famia di Adrian S. a dicidi di pasa na Rot am See pa un encuentro familiar y despues sigui pa e entiero di su wela cu mester a tuma lugar Diasabra. Pero niun hende no por a spera y mucho menos pensa cu dia aki lo a cambia e destino di e famia aki por completo.
Rot am See, ta un comunidad hopi chikito di mas o menos 5400 persona, tur hende tabata conoce e bar Der Deutscher Kaiser y tambe Klaus S. di 65 aña, kende tabata run e Cafe aki pa hopi tempo.
Diabierna Adrian, yiu di Klaus, a tuma un desicion hopi horibel y cruel. Na momento cu e famia tabata hunto, ela cuminsa tira, e prome persona cu ela mata tabata su tata Klaus S. Adrian tabata tin un tempo caba bibando cerca Klaus, esaki pa motibo cu su mayornnan hopi tempo pasa a divorcia. Despues cu ela mata su tata ela tira su mama Sylvia (56) mata. Adrian a sigui mata ela tira un omo (69) y un tanta (62), ela mata tambe un ruman muher y un ruman homber di banda di mama. E dos sobrinonan cu tabata hunto cu nan mayornan e no a tira riba nan.
Un otro dama (64) y un homber (68) tambe a wordo tira door di Adrian. E muher a keda levemente herida di un impacto di bala chikito, pero e homber cu ela tira si a wordo hospitalisa cu urgencia y ta den un situacion hopi critico, asina vocero policial a informa. Aparentemente ambos tambe ta famia di Adrian S.
Despues cu ela caba di tira, Adrian mes a yama polis y a bisanan cu ela caba di mata varios persona. Ela wordo deteni dilanti di e bar di su tata.
Tur hende den e comunidad chikito aki tabata conoce su tata Klaus, pero Adrian tabata pa mayoria un persona desconoci.
Despues cu su mayornan a divorcia Adrian a bay biba prome cerca su mama na un pueblo cu ta keda cerca di Offenberg den Zwarte Woud. Algun aña pasa ela dicidi di verhuis y bin biba cerca su tata, e tabata biba riba e zolder di e cas, mientra su tata tabata biba riba e prome piso net riba e bar. Segun e bisiñanan Adrian tabata hopi su so y semper tabata sinta tras di su computer. Adrian tabata tin permiso pa carga arma como cu e tabata miembro di un schietclub.
Diferente media Aleman a duna di conoce cu e famia enberdad tabata bayendo na e entiero di e wela di Adrian, cu ta e mama di su mama. Sylvia hunto cu su yiunan di su prome matrimonio y su nietonan a pasa bishita Rot am See, un omo y un tanta di Adrian, hunto cu dos otro miembro di famia tambe a pasa Rot am See caminda nan lo mester a reuni. Segun e corant Bild, e encuentro familiar a tuma lugar eynan, paso e wela a fayece y tabata tin problema cu e reparticion di herencia.
E motibo pakiko Adrian S. a tira 6 miembro di su famia mata no ta mucho cla. Ela keda deteni pa mas investigacion y alabes como e sospechoso principal di asesinato di 6 persona y intento di asesinato di dos otro persona.