Chauffeur pa un of otro motibo a dal hopi duro contra e wayanan di un steunpaal y contra un palo di lus

Picaron: Diabierna den oranan di anochi, a sosode un boksmento riba e caminda di Urataka pa Picaron, un Altezza a dal contra un palo di luz. Mesora a dicidi di manda un patruya na e sitio.

Na yegada enberdad nan ta topa cu un Altezza cu hopi daño material. Na prome instante tabata tin poco confusion. Despues polis a papia cu e chauffeur y ela bisa cu elo a haya problema cu cu su auto y a perde control, ela baha caminda y despues di a dal contra e wayanan di e steunpaal a bay dal contra e palo di lus.

E auto a haya hopi daño material y e chauffeur den e impacto fuerte a dal su cabes na e stuur, pero e no tabata desea presencia di paramediconan di ambulance.