138
Caya Franse Bloem – Diasabra marduga algo pasa di 12’or di mey anochi informacion a drenta cerca polis cu un auto Altezza haciendo fastioso den Jaburibari.
Un patruya a sali direccion Caya Franse Bloem unda e auto Altezza lo ta causando molester.
Na yegada a topa cu e auto y tambe un grupo di persona, mirando cu cos lo por sali for di man a pidi pa mas patruya.
Polis a bay over na controla e plachi number ariba e Altezza, a resulta cu e esaki no ta cuadra cu e auto. E plachi lo ta pertenece na un Nissan Sentra.
Mientras mas patruya a yega a pidi Takelwagen pa bay cu e auto y tambe detene e chauffeur cu tawata keda causa molester den e bario.
Patruya a sali cu direccion warda di Shaba y tambe por a mira cu a confisca u baseball bat y un pida palo.