Buena Vista: Diabierna algo pasa di 2’or di merdia a sosode un boksmento na Buena Vista, den e conocido bocht skerpi pariba di Airport. Na prome instante a pensa cu e chauffeur lo tabata herida, mirando cu e auto a haya hopi daño material y tambe a kibra e cura di airport.
Aparentemente e Chauffeur di e auto pa un of otro motibo a perde control riba e stuur di su auto, a baha caminda, bay dal contra e cura di waya di airport, despues a spin y a bay para na e otro banda di caminda. E cura di airport y e auto a haya basta daño.
Na yegada polis a tuma tur datos, e auto su papelnan ta na ordo y mirando cu no tin mas auto envolvi y no tabata tin niun persona herida.
Polis a laga e boksmento aki den man di e chauffeur y Roadservice pa regla tur cos. E auto no por a core mas y mester a pidi un takelwagen pa transporte for di e sitio.
