139
Piedra Plat – Diasabra marduga pa mas o menos 3:20 polis a wordo informa di un accidente cu hende herida altura di Jon Tai na Piedra Plat.
Mesora patruya di Santa Cruz a sali direccion di e accidente.
Na yegada nan ta topa cu dos auto, un Nissan March y un Skyline.
Ambos cu hopi daño material.
Na e sitio nos a compronde cu e Nissan March maneha pa e dama tawata bayendo direccion Paradera y e Skyline direccion Santa Cruz.
Dado momento e Nissan March maneha pa e dama a haye ta maniobra ora cu un auto Hyundai a lora su dilanti.
Aki pa no dal e señora a hala na su man robes y ta topa cu e Skyline cu tawata bayendo Santa Cruz.
Di e manera aki nan a dal frontal, poniendo cu ambos auto a spin para cara pa diferente direccion.
Ambulance a wordo pidi y na final a transporta ambos chauffeur pa Hospital.