Tanki Flip: Diabierna den careda di 1’or y 40 a sosode un boksmento entre un Nissan Silva y un patruya di polis di Noord. Esaki a sosode na altura di rotonde Tanki Flip. Mesora a pidi pa mas patruya yega na e sitio.
Na momento cu e agentenan policial a bay haci un control den e Nissan Silvia, nan a bin topa cu un arma di candela den e auto. E Nissan Silvia ta stuur rechts, e arma a wordo haya na banda di e asiento di e pasahero.
Loke a hala atencion tabata cu e arma di candela aki ta un Glock identico na esunnan cu Cuerpo Policial di Aruba ta dispone di dje.
Mirando cu den pasado varios agentenan policial di diferente departamento a yega di perde nan arma reglamentario. No por descarta e posibilidad cu e arma aki lo por ta un di nan cu a wordo “perdi” of procedente di “ladronicia.” No ta conoci, ni cu si a haci un investigacion, mirando cu e agentenan aki ainda ta trahando y te hasta ta den e team elite di Cuerpo Policial di Aruba, cu ta e Team di Aresto.
Den pasado armanan reglamentario a wordo horta for di cas y auto di agentenan policial, mirando cu nan tabata sali y laga nan arma den auto of na cas y asina dunando ladronnan chens pa yega na e armanan aki.
