Home » Empleadonan di DEZHI den colaboracion cu Soul2Soul a ricibi tayer innovativo ‘Mindful Art Teambuilding’

Empleadonan di DEZHI den colaboracion cu Soul2Soul a ricibi tayer innovativo ‘Mindful Art Teambuilding’

by Admin
0 comment 59 views

ORANJESTAD – Recientemente directora y e empleadonan di Departamento di Asuntonan Economico, Comercio y Industria (DEZHI) a ricibi e tayer ‘Mindful Art Teambuilding’.

E tayer aki a wordo duna door Sra. Sharina Gumbs di ‘Soul2Soul – Art – Transformational and Creative coaching for teams, management & professionals’. E tayer a duna e empleadonan un enfoke nobo pa loke ta trata e manera con pa traha den ekipo. Pa medio di arte abstracto nan por sali di nan ‘comfort-zone’, explora y experimenta cu nan vulnerabilidad den e area laboral na un manera safe.
Loke a haci e tayer di Soul2Soul diferente ta cu mayoria di e empleadonan di DEZHI no tawata tin conocemento of experiencia cu arte abstracto. Sin embargo, na final di e tayer di tres ora, tur empleado a siña suficiente habilidad basico artistico. Nan a explora nan emocionnan cu ta influencia e area laboral y a comparti e experiencia di ‘Mindful Art’ den ekipo, creando un obra unico.

Como un departamento cu ta compromete su mes pa brinda e comunidad di Aruba un servicio profesional y di calidad, directora di Departamento di Asuntonan Economico, Comercio y Industria a propone e tayer aki. P’asina di un manera innovativo y diferente, laga e empleadonan di DEZHI traha riba cohesion di e team pa medio di ‘Mindful Art’. Ademas den e tayer aki, e participantenan tawata tin e desafio pa realmente analisa nan habilidad di comunicacion, pa reflexiona con nan mes ta maneha ora nan ta confronta stress, ‘let go’ di nan creacionnan y acepta input di coleganan. E comentarionan y experiencia na final di e tayer tabata sumamente positivo y a stimula cerca algun pa sigui cu ‘Mindful Art’ como hobby. E empleadonan a colga nan creacionnan den e gang di e departamento pa keda corda riba e experiencia positivo aki. Asina ta crea mas cohesion ainda den e departamento pa keda brinda un bon servicio na e comunidad Arubano.

DEZHI kier gradici Sra. Sharina Gumbs di Soul2Soul y ta desea su persona exito pa su siguiente tayer. E tayer Mindful Art, cu ta tuma luga riba 1 di februari, ta pa e trahadornan social individual, trahadornan den salud (mental), psicologonan y educadornan/ maestronan.
Pa mas informacion riba su tayernan por tuma contacto cu Sra. Sharina Gumbs via [email protected] of por yama/ whatsapp +297-5610900.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio