Jaburibari-San Nicolas- Savaneta Aruba:
Despues di un entrenamento intensivo cu e coredornan Elite BMX, e coach nacional di ramo di Ciclismo BMX a entrega e jersey oficial na Aruba su dos atletanan Elite di BMX, cual lo ta representando Aruba internacionalmente den 2020, como campeonan Nacional Elite BMX.
Den presencia di Miembronan di AWB y e commicion relaciona cu BMX, Coach Sr. Pedro Estaba a otorga Feddison Flanders y Shanayah Howell nan camiseta nobo y tambe a informa na tur presente di e reto grandi cu e dos atletanan aki, y tur team di BMX na Aruba ta confrontando na e momento aki, pa falta di un pista adecuado pa por entrena, na un nivel competitivo internacionalmente.
E a enfatisa cu ta hopi importante pa cada pais cu ta competi internacionalmente na nivel halto den un ramo di deporte, cumpli cu mantención y adaptacionan regular di nan pista pa por entrenana y crece den technicanan nobo cu ta ser aplica den e deporte di ciclismo BMX.
Tambe Sr. Estaba a comparti e calendario di caredanan Internacional cu tin planea pa e Atletanan Elite di Aruba, cual un di nan por tin un oportunidad pa representa Aruba den Weganan Olympico 2020. E planes ta cu den luna di februari 2020, e atleta Shanayah, lo ta competiti den e campeonato Supercross World cup ronda 1 te cu 4 na Australia, sigui pa den luna di April ronda 5 & 6 na Inglatera, ronda 7 & 8 na Hulanda den luna di Mei, y finalizando e ronda 9 & 10 na Texas, cual unda tambe lo tuma lugar e campeonato mundial di BMX 2020. Tur esaki den preparación y acumulación di punto pa Aruba, pa por participa na Weganan Olympico cu lo tuma lugar na July di 2020 na Tokyo. E atletanan en questión, na e momento nan aki ta hasiendo uso di careteranan publco na Savaneta- San Nicolas- Noord y tanki di awanan na Jaburibari, areanan di parkeo y pista di Streetwise, pa por prepara, cual ta yuda pero no por ser compara, cu e pistanan caminda e competencianan International lo tuma lugar.