Balashi – Diamars anochi algo prome cu 8’or automobilistanan bayendo ariba e caminda di Balashi pa Barcadera a topa un motociclista benta ariba caminda.
E motociclista tawata tin bastante sla serio na cabes.
Segun nos por a compronde e motociclista su so aparentemente a accidenta.
Ta parse cu ela caba di haci compras y lo tawata bayendo cas.
Comestibles nan a keda gespart ariba caminda y su helm a bay spart te otro banda di caminda.
Posiblemente elo no tawata tin e helm bisti.
Mesora agente di trafico na su yegada a pidi pa ambulance, mirando cu elo a haya dos golpi serio na cabes.
Ambulance a presenta y mesora a pone e motociclista den ambulance y cuminsa atende cu ne.
Por a mira cu e motociclista ta na tino pero tambe por mira cu su cara tawata cubri cu sanger.
Despues di algun rato por a mira cu e ambulance a cuminsa move bayendo Hospital cu e victima.
Polis di trafico a tuma declaracion di esnan cu a yega haya e motociclista benta ariba caminda. E brommer lo ta un Scooter.
