Casa del Mar – Diadomingo atardi pa mas o menos 5:30 informacion a drenta cu un Sea Doo lo a bolter altura di Casa del Mar.
Esnan na e sitio lo a bisa cu esnan den lama lo tawata den problema y pidiendo auxilio.
Mesora Strandpolitie a wordo manda na e lama di Casa del Mar, cu tawata basta bruto.
Mientrastanto a avisa Maritiem Politie cu a cuminsa pa sali direccion di Casa del Mar.
Helicopter di polis tambe a lanta y a bay direccion Casa del Mar y tawata bisa kiko tur e ta wak.
Dado momento esnan den lama lo a cuminsa grita pa yudanan, pues birando desespera.
Maritiem Politie a yega hopi lihe mirando cu nan base ta situa poco mas pariba, esta na waf grandi.
Na yegada a yuda esnan den lama y a hibanan tera.
No ta conoci kiko a causa cu Sea Doo lo a bolter.
Durante oranan di anochi polis a mester bay un adres na Boegoeroei. Parse cu e problema di Sea Doo a causa problema entre famia den oranan di anochi.
