San Nicolas – Diadomingo marduga den careda di 1:45 Ambulance a wordo pidi cu urgencia na Carnival Village, esaki tawata durante e final di e eleccion di Reina di Carnaval 66.
Na prome instante a papia cu un persona di edad lo a cay di e stage y lo tabata herida, despues di un rato a ripara cu situacion di e señora a empeora y a cuminsa duna CPR. Durante transmission di e elecion di Reina, e presentador di Telearuba hunto cu e organisado di Smac a bisa cu e señora a fayece pero esaki no tabata berdad, na e momento ey ainda e paramediconan tabata dunado e señora CPR.
Parse cu e señora lo no a cay di stage, pero a collapse dus a bira malo y di eynan e no a bin na tino mas.
Polis na e sitio mesora a pidi pa ambulance yega mas lihe posibel.
Despues di basta traha cu e señora un segundo ambulance a yega, loke sa sosode hopi biaha ora mester duna CPR of den casonan di un Hartstilstand.
Autoridad a cuminsa pidi pa Slachtofferhulp tambe, debi cu un persona hopi yega na e señora no por a deal cu full e situacion e momento ey.
Despues di un rato ambulance a sali cu e señora direccion Imsan, pero lamentabelmente ya tawata laat e señora a fayece. Pa 2’or y 45 di marduga, dokter na imsan a constata morto di e señora, ta trata di señora di Nacionalidad Haitiano.
Nos ta manda un palabra di condolencia na famia di e fayecido.
