Piedra Plat – Diasabra merdia pa mas o menos 12’or polis a bay un adres patras di e carwash ariba caminda grandi di Piedra Plat.Eynan un yiu muhe lo tawata tin problema cu su mama.
Polis a wordo pidi cu urgencia debi cu e yiu durante e problema lo a pasa man pa un cuchiu y no tawata sa intencion.Esaki a poni cu varios patruya y tamve recherche a dirigi nan mes pa e adres.
Na yeda di patruyanan mesora nan a baha pa pone nan mes na altura di loke tawata sosodiendo.
Por a mira basta papiamento y banda pabou di e cas polis a haya un cuchiu.Despues di a papia basta cu esnan envolvi y tuma datos tur polis a bandona e sitio sin haci niun detencion.
E motibo pakiko niun hende a wordo deteni ta door cu un ruman homber a yega y a mira cu su ruman muhe lo tawata tin un cuchiu den man y tawata medio discuti cu su mama. E ruman homber cu manera nos a compronde di famia no a perde pa gana a yama polis. Siendo cu no tawata tin nada di menasa. Ta solamente un discusion chikito y net ora polis a yega dama cu e cuchiu den man tawata preparando cuminda.
Segun famia no ta prome biaha cu e ruman homber aki lo ta busca un of otro manera pa causa descordia.
