Home Local Debi na demanda grandi Vacuna di Influenza a caba na...

Debi na demanda grandi Vacuna di Influenza a caba na Dienst Besmettelijke Ziekten

SHARE

ORANJESTAD, Aruba –: Tur aña Dienst Besmettelijke Ziekten (DBZ) ta ricibi 3500 vacuna di Influenza for di PAHO y tur aña ta resta di esaki. E aña aki e campaña di vacunacion tabata hopi exitoso. Pa prome biaha den historia, DBZ a logra su meta pa distribui e vacuna di Influenza na esnan vulnerable den nos comunidad den un tempo cortico. Esaki ta duna un miho cobertura pa cu e control y protection contra Influenza na nos poblacion di Aruba.

Pa cu e demanda grandi aki di vacuna y cu bon colaboracion cu e docternan di cas, a pidi un stock pa por vacuna nan patientnan cu ta cai den e grupo di risico.
Pa e motibo aki DBZ ta informa cu nos stock di vacuna di Influenza 19/20 a caba.

E siguiente temporada pa haya e vacuna di Influenza ta cuminsa na september/oktober 2020. Ta recorda tur esnan pa pasa busca nan vacuna e temporada aki.
Nos lo anuncia e fecha exacto na su debido tempo.