Home Dutch Kingdom Kuerpo Polisial Korsou ta informa: Detenshon pa atrako.

Kuerpo Polisial Korsou ta informa: Detenshon pa atrako.

SHARE

Willemstad, Korsou:
Kontinuando ku un investigashon relashoná ku un kaso di atrako ku a tuma lugá dia 11 di novèmber 2019 riba kaminda Jose C. Antonia, polis a hasi un detenshon den e kaso aki. Djárason 15 di yanüari 2020, alrededor di 09.45 or di mainta, riba òrdu di Ministerio Públiko, personal di Atrako Tim a detené e sospechoso femenino N.C.L. nasé na Kòrsou di 20 aña di edat.

Detenshon a tuma luga na Kaya Shers. A presentá e sospechoso dilanti di un Fiskal Ouksiliar, ku a ordená su enkarselamentu pendiente di mas investigashon.