Home Police Polis a haya Nissan Fuga sin chauffeur despues di a accidenta

Polis a haya Nissan Fuga sin chauffeur despues di a accidenta

SHARE

Bubali – Diaranson mey anochi polis a haya informacion di un accidente na rotonde di Bubali. 

Na yegada di patruya di Noord nan a bin topa cu un Nissan Fuga color blanco.

Esaki no tawata ariba e rotonde exactamente pero un poco mas panort, ariba e caminda cu ta bay pa San Miguel.

E agentenan a baha pa mira si lo por tin hende herida, pero no ta topa cu ningun hende na e sitio.

Pues e chauffeur a bandona e sitio di accidente y esaki ta castigabel.

Na e momento eynan ainda e auto lo tawata cendi.

Ta mustra cu e chauffeur a perde control y dal contra algun bloki y despues termina contra un steun paal di Elmar.

Polis a pidi pa Takelwagen pa bay cu e auto.

E auto lo ta pertenece na un adres den Flamingostraat.