Home Police Entradanan hudicial ta sigui, e biaha aki ta den Korvetstraat y mas...

Entradanan hudicial ta sigui, e biaha aki ta den Korvetstraat y mas detencion a cay

SHARE

Un team di polis, consistiendo di e team di aresto, atraco team y recherche ta sigui cu nan entradanan hudicial y ta haciendo varios detencion. Diadomingo marduga a drenta un cas den Colombiastraat y Dialuna Korvetstraat tabata na beurt. No ta descarta e posibilidad cu lo sigui cu mas inval rond di nos isla. Polis ta hopi activo den e dianan aki.

Korvetstraat, Oranjestad: Dialuna algo prome cu mey anochi, Team di aresto a drenta un cas den Korvestraat, aki a detene un conocido di polis di fam T. di 21 aña.

E motibo di su detencion no ta conoci pero ta mustra cu e por ta relaciona cu un of mas atraco cu recientemente a tuma lugar rond di nos isla of e menasa di Colegio Arubano, mirando cu e lo ta un famia di e menor di edad cu a keda deteni pa e menasa na Colegio Arubano.

Segun autoridad elo ta un persona cu por ta den posicion di un arma di candela y ta wordo considera peligroso, te na e momentonan aki no ta conoci cu si durante e entrada hudicial lo por a haya arma di candela na e cas.

Autoridad a pidi pa presencia pa e departamento tecnico di Polis, cu a keda basta largo na e cas haciendo e investigacionnan necesario. Huez comisario y fiscal tabata presente durante e entrada hudicial aki.