Home International BMW na benta pa 1.75 miyon, ta trata di e auto cu...

BMW na benta pa 1.75 miyon, ta trata di e auto cu e conocido Rapper Tupac Shakur tabata den, na momento cu ela ricibi e tironan fatal

SHARE

Las Vegas, Nevada, Estados unidos:

E auto cu Tupac Shakur tabata den, na momento cu desconocidonan a los varios tiro riba dje y cu tabata tin un resultado fatal pa e conocido rapper. E auto aki, un BMW 7 series, ta na benta pa unicamente 1.75 miyon dollar.

Un bendedo di auto na Las Vegas a pone e BMW 7 Serie na benta. E doño nobo pa por cumpra e auto aki, e mester ta un persona cu mester ta un miyonaria, pa por permiti su mes e luho di cumpra un auto na balor di 1.75 miyon.

E auto ta completamente restaura y e doño nobo lo haya e papelnan como prueba cu e auto aki en realidad tabata e auto den cual Tupac Shakur tabata aden, na momento cu ela wordo tira, na 1996 y a fayece.

Riba 7 september 1996, Tupac a wordo sorpresa cu algun tiro for di un arma cu resultado fatal, esaki a sosode despues cu ela sali for di un pelea di bokseo den cual Mike Tyson a bringa, esaki a tuma luga na MGM Grand Hotel na las Vegas.

Despues di e tiramento Tupac a keda interna den hospital su situacion tabata hopi critico, un siman ela keda den cuido intensivo Tupac y a fayece, na edad di 25 aña. Te riba e dia di awe, 23 aña despues, niun hende no a wordo poni responsabel pa su morto, te na e momentonan aki, e asesino ta desconoci y ta den libertad.