Macuarima – Dialuna den careda di mey anochi patruya di Santa Cruz pasando den area di Casique Macuarima School a nota basta huma saliendo for di dicho skol.
Mesora a baha pa chek y por a mira cu lo huma lo tawata saliendo di un lokaal. Algun rato despues e candela parti paden a bira grandi y esaki a kibra e glas.
Esaki a causa cu e candela a expande.
A pidi presencia di Brandweer cu urgencia, pa miedo cu esaki por expande.
Caminda muha posiblemente no lo a permiiti Brandweer core cu velocidad halto pa yega mas lihe.
Na su yegada mesora nan a drenta den e accion, pa combati e candela cu tawata basta grandi.
Algun minuut despues por a mira auto di e Officier van Dients a yega y despues un unidad mas di Brandweer.
Polis na e sitio a pidi presencia di tanto departamento tecnico y tambe recherche, debi cu lo a bin haya un of mas lokaal kibra. Un indicacion cu “nan” lo a kibra drenta pa sea horta of vandalisa e skol.
Un acto baho y condenabel.
