Baby Beach: Dialuna den oranan di atardi un turista masculino a hera hoga na Baby Beach, e homber tabata cu algun persona mas na lama y tabata relahando den e lama blauw y calmo. Na dado momento ela cuminsa haya problema den awa, ela bay den panico y a cuminsa guli awa.
Algun persona cu tambe tabata den lama, e momento ey a mira cu e homber tabata confrontando problema den awa, mesora nan a bay yud’e, nan a logra hibe homber canto, te hasta na prome instante, nan a pensa cu e homber lo no ta dunando señal di bida, pero hopi lihe a ripara cu esaki no tabata e caso.
E personanan a logra saca e homber for di lama, nan a keda yud’e y a keda warda riba ambulance. Na yegada e paramediconan di ambulance a bin topa cu e homber cu a hera hoga, e homber tabata na tino. Despues cu e paramediconan a trata e homber na e sitio, nan a transport’e pa Imsan pa un control medico.
