Oranjestad – Diadomingo 6:00 a.m Cuerpo Policial q informa cu no solamente tawata tin entrada hudicial na Colombiastraat, pero tambe den Wernetstraat.
E accion aki ta dirigi ariba varios atraco recientemente ariba e isla di Aruba.
Aki ta sigui informacion oficial(texto) di parti di Cuerpo Policial:
Un persona sospecha di diferente atraconan y 4 ilegal deteni
Ayera anochi en conexion cu un investigación andando team di Atraco a detene e homber Venezolano L.A.P.O. 27 aña plus dos ilegal ( Venezolano) cu tawata junto cune den su auto.
Tambe a hasi entrada judicial na Colombiastraat caminda tambe a bin encontra dos ilegal ( Venezolano) cu a wordo deteni y otro entrada judicial na Wernetstraat.
Mester bisa cu e persona deteni ta wordo sospecha di diferente atraco den e luna di december y ta considere sumamente peligroso y ta pesey a hasi uso di arrestarieteam.
No ta descarta mas detencion lo bay cay den e proximo dianan en conexion cu e mesun investigacion aki.
Pa Cuerpo Policial por resolve mas caso cooperacion di pueblo di Aruba ta hopi importante pesey nos ta pidi si bo tin cualkier informacion jama nos tiplijn: 11141.
