E conocido di polis ‘Kabouter’, kende ta un adicto ambulancte, un biaha mas deteni pa ta manehando un auto procedente di ladronicia
Tanki Leendert: Diadomingo algo pasa di 11’or di mainta, na altura di Weili Supermarket, polis ta bin topa cu e conocido di nan Kabouter tras di stuur di un Nissan Almera, riba e auto tabata tin un plaachi number so y esaki cu no tabata cuadra cu e auto. E auto no tabata tin niun papel na ordo, ora polis a puntr’e di unda ela haya auto, e no por a duna polis un contesta drechi.
Aki polis a bin sospecha cu e auto aki lo ta procedente di ladronicia y mesora a detene Kabouter.
Den e auto tabata tin un persona mas, pero e persona aki no a keda deteni pero si a keda na pia.
Polis a confisca e auto y a transport’e pa warda di polis na Balashi, pa asina por haci mas investigacion.
