Keda sin pone señal na rotonde lo por salibo caro, si polis hayabo

Tanki Flip – Diahuebs durante dia polis a tene un control poco pariba di Rotonde Tanki Flip.

Diahuebs durante dia tawata tin varios polis para na Tanki Flip y por a miranan duna varios auto e Stopteken y hala para un banda.

E control segun nos a compronde tawata uno ariba ponemento di señal ora bo ta baha for di e rotonde. Logicamente tambe lo controla tur demas documentonan di e auto.

Esaki ta strafbaar.

Hopi biaha chauffeurnan(tin biaha autonan di polis tambe) no ta worry cu esaki y ta baha rotonde sin pone señal. Siendo cu esaki ta poni den ley cu bo mester pone señal ora bo ta bahando for di un rotonde.

Pues automobilistanan pone atencion y mantene bo mes na e regla di trafico, pabo no core e risico innecesario di haya un boet.