Santa Cruz – Diabierna den oranan di mainta polis y brandweer a bay Taco Bell Santa Cruz, unda cu e borchi di Taco Bell lo a cay ariba un auto.
Na yegada parti pabou di Taco Bell esta otro banda di caminda a bin haya restonan di e cover di e borchi.
Pues e cover cu tin Taco Bell pinta ariba a kibra y bula bay.
Esaki a sosode debi na e biento fuerte cu Aruba a lanta cune diabierna mainta.
Meteo a saca un aviso diahuebs pa biento fuerte cu rafaganan y loke ta pasando diabierna durante dia aki ta e pattern di biento fuerte aki acopla na e downdraftsnan cu bo ta haña ora awacero ta cai ta pone cu e ta bira extra mas fuerte pa un rato.
Bayendo bek na e cover di e borchi di Taco Bell, lo mester revisa e borchi completo pa mas parti cu lo por ta los.
Esaki mester wordo haci mesora si ta corecto, pa evita un desgracia mas grandi.
