FBI a pidi e compania Apple pa desblokea dos Iphone di un shooter, cu a tira tres persona mata, na e base militar di Pensacola, riba 6 di december 2019.
Pensacola, Florida, Estados Unidos: Segun NBC news, FBI a trata y a haya e code pa drenta den e cellularnan, pero asina mes no por a logra habri e cellular pa yega na e ‘informacion’ cu nan mester pa sigui cu e investigacionnan.
E Cellularnan aki ta pertenece na e Lieutenant Mohammed Saeed Al Shamrani, kende dia 6 di december ultimo, a los varios tiro den un klas local na e base militar di Pensacola, den cual tres persona a fayece, mientras 8 persona a keda herida.
E motibo tras di e tiramento, te na e momentonan aki no ta mucho cla,
FBI a logra pone man riba e dos cellular cu ta pertenence na Saeed Al Shamrani, maske cu hues a duna permiso pa FBI coba den e cellularnan, te na e momentonan aki, nan no por a habri esakinan y pa asina mira kiko tur ela skirbi of cu kennan e tabata chat etc. aparentemente lo ta casi imposibel pa nan a habri y coba den dje. NI cu nan centenares di aparatonan sofistica pa trace datos for di cellular.
No a keda FBI nada otro di bay pidi e compania Apple asistencia pa unblock y habri e cellularnan aki, pa asina nan por haya aceso na coba den e cellularnan. Asina importante y priva cellularnan a bira awendia.
Internet y Cellular a bin pa caba cu mundo y e ser humano.
Cellularnan, awendia a bira algo hopi priva y asina e cay den man di otro, e no lo ta un pertenencia priva mas, sino uno publico, paso nan por saca tur bo informacion y pone riba caya. Den Cellular di un hende tin, datos di hende, email, potret, video, chats, musica, diferente apps, etc etc. Iphone toch ta wordo considera un poco mas safe, pero bo nunca por confia, tur loke ta den aire por wordo scucha of por trace nan back.
Nunca usa un cellular pa nada cu mayan por incriminabo, papia semper personal y semper cellular paga, nunca papia nada particular via cellular, pio via whatsapp, via Telegram etc., paso ni cu un persona kere cu ela delete tur cos, semper encuando ta keda rastronan hopi scondi den un cellular y cu algun aparato un tiki sofistica por saca tur e informacionnan aki back. Esaki ta conta pa computer, laptops etc tambe
Pesey ora kier haci un hende daño of kier incrimina un persona, prome cos cu nan lo pasa man pe ta su cellular, esey ta pa haya sa mas di e bida di un persona, haya sa con e ta move y via e datosnan den cellular sigur nan lo por haya sa mas di un hende of te hasta sa pasa cu nan por saca conclusionnan eroneo cu por hinka hendenan den problema serio.
Nunca papia of skirbi nada particular riba bo cellular, laptops, computer y mucho menos telefon di linea.