176
Paradera – Diamars anochi polis a bay altura di e Clinica di Veterinario situa na Paradera, unda lo a sosode un accidente y lo tin hende herida.
Tawata diamars anochi algo prome cu 9’or cu un dama na stuur di un Pick Up color shinishi a bira malo. E dama lo tawata bayendo direccion di Piedra Plat, momento cu ela sinti su mes malo y a perde control ariba e vehiculo.
Pa e motibo aki ela kita bay na su man robes y a dal frontal contra un Toyota Corolla, pa despues subi acera sigui bay dal contra un cura di cas.
Polis a pidi asistencia di Ambulance y na yegada Paramediconan a atende e dama cu a bira malo na e sitio mes.
Ambos auto a sufri hopi daño material.