United Nations pidiendo gobierno Hulandes claridad referente expulsion di dos Cubano, kende nan a wordo transporta pa e compania aereo di Aruba. E Cubanonan a bisa cu nan a wordo forsa pa bandona nan famianan y nan pais natal, cu ta Cuba, tambe den un entrevista un di nan a bisa cu prome cu ela wordo expulsa, ela wordo maltrata dilanti di su yiunan.
Fuente N.O.S. ( Nederlandse Omroep Stichting)
E program di NOS, Nieuwsuur a logra haya contacto cu e dos Cubanonan aki y a papia extenso cu nan. Segun Nieuwsuur, nan tin documentonan den nan man cu ta mustra cu Aruba Airlines ta den man di un Venezolano. Segun NOS, esaki ta algo contra ley na Aruba, paso ley ta prescribi cu e doño di un compania di aviacion mester ta un Arubiano. Tambe cu e gobierno Venezolano tin lasonan estrecho cu e regimen comunista Cubano.
Hulanda y Aruba a duna di conoce cu nan kier pa Aruba Airlines cumpli mas miho cu e proceduranan di Seguridad, pero referente e expulsion di e dos Cubanonan, nan no kier a bay den detayes. Segun Aruba, Aruba Airlines ta cumpliendo cu tur e rekistonan legal.
Cuba ta nenga cu e dos Cubanonan a wordo expulsa for di Cuba. Aruba Airlines ta manteniendo su mes riba e mesun linea cu e Gobierno Cubano. Segun nan e dos hombernan aki a biaha boluntariamente, y no por culpa e compania di aviacion. Pero segun e programa Nieuwsuur, nan tin paspoort y informacion di buelo etc. cu ta sostene e storia di e dos Cubanonan aki. Gobierno di Cuba y ni Aruba Airlines no kier a sigui riba esaki.