Di tres auto cu a kima den Colony den un lapso di dos dia

Sero Colorado – Diasabra anochi polis a bay den Colony pa un auto cu lo tawata na candela. Brandweer tambe a wordo notifica, pero na yegada mucho cos no por a wordo haci mas.

Segun informacion e auto aki lo tawata envolvi den un accidente algun dia atras y diasabra anochi pa motibonan desconoci e tawata na candela.

A purba tuma contacto cu e doño pero esaki no a logra.

Remarcabel ta cu esaki ta e di tres auto cu a kima den Colony di e ultimo dos dianan.

Un indicacion cu tin algo basta robes andando.

Pues ta keda awor na Recherche pa haci nan investigacion di kiko ta pasando.