129
Paradera/Shiribana: Diadomingo algo despues di mey anochi a sosode un accidente basta fuerte riba e caminda pabou di e rotonde di Paradera na altura di e snacktruck, mesora a manda polis na e sitio.
Na yegada nan a bin compronde cu e chauffeur di e Hyundai Tucson Blanco, probablemente lo por a pega soño tras di stuur y asina a perde control, baha caminda, kibra un palo di luz y despues a bay dal pega den un mata canto di caminda.
E impacto tabata hopi fuerte cu e auto a keda total loss, tambe door cu ela kibra e palo di luz, e wayanan a keda colga y algun cas den bicindario a keda sin coriente.
Polisnan na e sitio a pidi pa presencia di Elmar, hopi liher e trucknan di Elmar a yega pa asina cuminsa cu e trabounan necesario.
