Sabana Berde: Diadomingo algo prome cu 3’or di marduga, presencia di polis y ambulance a wordo pidi cu urgencia na altura di Pricesmart pa un persona cu ta benta canto di caminda y no lo ta dunando señal di bida.
Na yegada polis a bin nota cu e homber ta na bida y cu ela wordo alcansa pa un auto, cu a dal’e y bent’e te otro banda di caminda, mirando cu e tabata basta bou influencia y no por a reaciona lo a pensa cu e lo a fayece, cual no tabata e caso.
Na e sitio polis a bin compronde cu e homber aki despues di baila den Fakkel y tabata basta bou influencia, a sali cana bay ariba, e homber tabata canando riba caminda, varios auto a kita pe, te na momento cu dos auto tabata biniendo, un a logra hala na tempo pa no dal’e, mientras e otro auto, un Nissan Cube blauw no por a evita mas y a dal’e, cu su spiel di auto, den e impacto e homber a bay cay te otro banda di caminda. E homber tabata herida.
Paramediconan di ambulance a trata e victima na e sitio y despues a transport’e pa hospital.
