163
J.E.Irausquin Boulevard – Diahuebs anochi den careda di 9’or polis a bay pabou di Amsterdam Manor unda un accidente a sosode.
Na yegada polis a topa cu un cabayero ariba suela y un Scooter benta un tiki mas leu.
Mirando cu e ta persona ta herida polis a cera un parti di e caminda, pa facilita trabou di Paramediconan ora nan yega.
Segun polis a compronde, tawata trata di tres persona cu Scooter, unda cu mala suerte a toca un.
Pa un of otro motibo pasando altura di e Amsterdam Manor ela dal abou.
Ela keda ariba caminda kehando di basta dolor na curpa.
Na yegada di Ambulance Paramediconan a cuminsa trata e persona y despues a sali cune direccion Hospital.
E amigonan lo a keda di bay cu e Scooter for di e sitio.