Hendrikstraat, Oranjestad: Diahuebs den careda di 6’or y mey di mainta, presencia di polis a wordo pidi pa un supuesto caso di ladronicia.
Na yegada nan ta topa cu un homber cu a yama polis pa motibo cu e ta sinti cu ela bira victima di ladronicia, tambe polis a topa cu algun adicto ambulante y nan a conta polis exactamente kiko a sosode.
E homber aki a bay usa droga Piedra (crack) y bebe hunto cu e adictonan ambulante patras di Hotel Central, masha gezellig mes, pero na momento cu e homber mester a paga e cuenta, ela bisanan cu e no por paga, paso e no tin placa.
E adictonan mesora a rabia y a dicidi di ranca su cadena for di su nek y pasa man pa su bril.
Nan a bisa polis cu nan ta hende cu no ta molestia, nan ta usa y bende nan droga trankil. Polis na final no por a haci mucho cos y a dicidi di duna e homber un lift pa su cas, e homber a bay cas sin su pertenencianan.
Tambe e adictonan a bisa e homber cu: “Nos no kier wak Bo mas aki banda.”