Moko – Bispo di aña den oranan di atardi polis a bay Moko altura di un restaurant unda lo tin un accidente cu tres auto envolvi.
Na yegada di polis ela topa cu e tres autonan, un di nan a bay termina den cura di e restaurant.
E autonan envolvi ta Chevrolet, un Hyundai Van y un Toyota Camry cu ta esun cu causa e accidente.
Na e sitio esnan den Chevrolet cu a bay termina parcialmente den cura di e restaurant tawata mas spanta, despues di un impacto duro nan tras.
Ta asina cu e Van a para pa lora y e Chevrolet su tras cu un dama na stuur a slow down, pero e chauffeur di e Camry cu tawata burachi no por a regula su velocidad.
Esaki a causa un accidente unda cu door di e impacto ebChevrolet a bay dal contra e Van y despues bay dal e cura di e restaurant.
Polisnan cu a yega na e sitio y a constata cu chauffeur di e Camry ta bebi a lage supla.
Pero debi cu e chauffeur tawata asina burachi e no por a haci’e manera mester ta.
Un rato hasta ela supla den cara di e polis y esaki tawata basta y aki ta unda ela wordo deteni.
Segun e chauffeur e ta yegando su cas, pero ta e hendenan ta core malo.
Pues posiblemente e tawata asina burachi cu e no sa cu ta su persona a causa e accidente.
Na yegada di Paramediconan nan a trata esnan di e Chevrolet suv cu a pasa den un susto grandi, entrenan tawata tin un menor di edad.