Home Police Maniobranan peligroso cu UTV, un di e motibonan principal di accidente

Maniobranan peligroso cu UTV, un di e motibonan principal di accidente

SHARE

Lighthouse/Westpunt – Dialuna atardi polis y ambulance a bay Westpunt unda cu un UTV a accidenta.

Ta parse cu turistanan ta keda haci maniobranan peligroso cu sea Quadracers y/of UTV’s.

Dialuna atardi no tawata diferente.

Parse cu ta manera turistanan mira e tereno habri cu tera cora patras di Lighthouse, ta bira manera un challenge y ta haci cosnan peligroso. Esaki a causa cu e UTV a bolter.

Ambos persona abordo a resulta levemente herida.

Manera informacion a drenta polis y ambulance a bay urgentemente patras di Faro.

Na yegada e dos turistanan no tawata desea yudansa di Paramediconan. Esaki debi posiblemente na e prijs halto cu nan lo mester paga pa e servicio.

Autoridad despues cu nan a mira cu tur cos ta “ok” a bandona e sitio. E resto a keda pa seguro a handle.

E vehiculo a wordo poni den un pick up di e compania y hiba di e sitio. Ambos turista a haya lift den e truck di e compania, nan mes lo a keda di trata nan heridanan.