Home » Mal comportacion di hobennan ariba bicicleta den Playa: Polis a logra pone man ariba un y ela wordo deteni

Mal comportacion di hobennan ariba bicicleta den Playa: Polis a logra pone man ariba un y ela wordo deteni

by Admin
0 comment 76 views

Weststraat – Dialuna atardi a drenta basta reclamo di hobennan ariba bicicleta cu no ta comporta nan mes den Playa.

Algun dia pasa polisnan a tene un accion chikito y a kita algun bicicleta di algun hoben.

Dialuna atardi a drenta basta reclamo cu un grupo di hoben ta core den Caya G.F.Betico Croes y no tawata falta mucho pa nan dal hende cu e bais.

Esey no ta tur parse cu nan lo tawata tin klapchi den nan poder y ta pasa tira esaki den porta di negoshinan spantando hende y ta peligroso.

Esnan cu a mira kiko tawata pasando  a notifica polis, un di nan su bicicleta a hala atencion door di e tire hancho.

Den Weststraat polis a bin topa cu e hoben aki.

Polisnan mesora a stop e y a detene, tambe su bicicleta a wordo confisca.

Nan a trece Warda di Playa y pa su sorpresa Sub Fiscal a dicidi cu elo wordo cera.

Algun rato despues ela wordo transporta pa Macuarima unda elo a wordo cera.

Kizas esaki ta sirbi como un les pa e otro hobennan cu no ta comporta ariba caya, treciendo nan bida y di otro hende den peliger.

Pues mayornan, diamars bispo di aña ta un dia druk papia cu bo yiu si e tin un bicicleta y ta pensa di bay den Playa cune pa haci cosnan contra ley.

Paso si e haci algo robes elo por wordo deteni y chance ta grandi cu e por pasa su resto di dia den un cel na warda di polis.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio