Soledad – Bispo di aña atardi varios unidad di polis a bay un adres na Soledad, unda un homber bou influencia lo ta zwaai cu machete.
E homber y su pareha y un mucha teenager lo tawata bayendo cas di su suegra cu ta na Soledad. Parse cu e homber aki a bebe na su trabou y manera cu e bebe e ta bira problematico.
Na caminda pa Soledad ela cuminsa core malo, esta zig zag. E manera cu e homber a bira a causa cu e mucha a spanta y tawata yora.
Una bes cu e mucha a yega cas ela bay cera su curpa den camber, posiblemente pa ta leu di e problema.
Na yegada di polis nan a cuminsa papia cu e homber cu ta un persona bastante fastioso ora e ta bebi.
Polis a intermedia door di papia cu e suegra y cu e yerno cu a yega y kibra porta di cura.
Debi cu ela causa destruccion polis a detene.
Pero e homber a pidi polis cu e no kier pasa su aña cera, agentenan a bise cu esey no ta keda na nan pero na Sub Fiscal cu ta na warda.
E suegronan di e homber aki a bisa ta miho pa e pasa e aña den cel sino elo bolbe y sigui haci problema.
Durante cu polisnan a pone den boei e tawata trata na haci fastioso, pero agentenan a sa di domine.