Home Politics Parlamentario Endy Croes: “Parlamento a aproba cambionan den e “Ley...

Parlamentario Endy Croes: “Parlamento a aproba cambionan den e “Ley Winstbelasting AB 1988 no. GT 47 y Algemene Landsverordening Belastingen AB 2004 no. 10”

SHARE

Parlamentario Endy Croes a splica cu siman pasa Parlamento a trata entre otro Landsverordening Winstbelasting AB 1988 no GT 47 y tambe e Algemene Landsverordening Belastingen AB 2004 no 10 y a trece diferente cambio. Kico exactamente a tuma lugar y kico ta e cambionan mas grandi? Un grupo di 20 pais conoci como G20 a aproba na september 2013 un plan di accion ambicioso y extenso, esta e Base Erosion and Profit Shifting (BEPS).

Combatimento di competencia inhusto
Basa riba e decision aki (OESO) Organisatie voor Economische Samenwerking en Ontwikkeling hunto cu G20 (20 paisnan miembro) a prepara y desaroya un pakete di medida y of prevencion. Dia 5 di october 2015 OESO a presenta e rapport di accion cual ta consisti di 15 actiepunten cual paisnan miembro mester atene nan mes na dje. Tur esaki ta pa entre otro combati e fenomeno di competencia inhusto atrabes di sistemanan fiscal di paisnan miembro.

Rekesitonan pa multinacionalnan
Na aña 2018 Aruba a bira miembro di “Inclusive Framework Base Erosion and Profit Shifting (BEPS)” di OESO. Paisnan miembro obligatoriamente mester cumpli entrante 1 di januari 2020 cu 4 di e 15 puntonan di accion. Un di e puntonan di accion importante ta punto di accion # 13. Kico esaki ta? Esaki tin di haber cu e asina yama documentacion “transfer pricing” y raportahe “country by country” den un forma standarisa y nobo rekeri pa companianan multinacional. E forma nobo ta consisti di tres sistema, esta a. landenrapport b. un archivo di grupo c. un archivo local. Companianan multinacional cu alcansa den grupo ingresonan consolida di por lo menos 100 miyon mester raporta di acuerdo cu puntonan b y c ariba menciona. Multinacionalnan cu ingreso mucho mas grandi cu esaki ta cay bou di forma di raporta, bou punto a. prescribi. E cambionan aki lo permiti tambe intercambio di Landenrapporten entre autoridadnan fiscal di paisnan miembro ora sinti cu esaki ta necesario.

Cumplimento cu acuerdo internacional
Cu e cambio den e dos leynan aki multinacionalnan estableci na Aruba mester atene nan mes na e sistema nobo di raporta. Aunke por a compronde cu companianan multinacional estableci na Aruba ta custumbra cu e sistema di documentacion aki numa awor esaki a wordo ancra den Ley pa cumpli cu e acuerdo internacional di Inclusive Framework di Base Erosion and Profit Shifting. Parlamento di Aruba a aproba e cambionan aki den ley di winstbelasting siman pasa. Gobierno ta trahando incansabelmente mientras Parlamento ta cumpliendo cu su parti esta controla gobierno y pasa leynan cu ta di vital importancia pa nos pais.