Home » Gobierno Frances lo pone no solamente 100 mil polis riba pia pa e cambio di Aña, pero tambe e cuerpo di bomberonan y militarnan lo team up cu polis

Gobierno Frances lo pone no solamente 100 mil polis riba pia pa e cambio di Aña, pero tambe e cuerpo di bomberonan y militarnan lo team up cu polis

by Admin
0 comment 83 views

Gobierno Frances cu un plan completo bon prepara pa por garantisa siguridad di su habitantenan y bishitantenan.

Paris, Francia: E gobierno Frances a dicidi di pone pa e cambio di aña 100 mil polis riba pia, no solamente polis pero tambe e Cuerpo di Bombero y Militarnan lo team up cu polis, pa asina trata na garantisa siguridad pa tur hende cu ta pasa e cambio di aña na Francia.

Esaki segun e Minister di Asuntonan Interno di Francia, Christophe Castaner a duna di conoce. Castaner a pone enfasis den prensa Frances cu e pais mester ta hopi cauteloso pa motibo cu e menasanan di atakenan terorista ta keda halto. Na mesun momento ela duna di conoce cu actualmente no tin niun menasa specifico di un atake terorista, pero ta djes pa siguridad di e pueblo y su bishitantenan.

Na varios lugar nan ta premira cu lo ta bay tin hopi cendemento di candela y tambe hopi problema riba caya. No ta conoci cuanto hende lo bay pasa aña na Paris, normalmente tur aña miles y miles di hende ta bini hunto pa pasa e cambio di aña riba e conocido Champs-Elysées.

Riba 1 di Januari den dia, lo pone agentenan policial regla y controla e trafico riba varios caminda, mirando cu riba e prome dia di aña, ta e dia cu ta sosode mas hopi accidentenan fatal den trafico na Francia, entre 15 cu 20 morto den trafico.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio