Home Police Chauffeur bou influencia tras di stuur a alcansa un ciclista y a...

Chauffeur bou influencia tras di stuur a alcansa un ciclista y a lag’e herida

SHARE

L.G. Smith Boulevard, Oranjestad: Diadomingo algo prome cu mey anochi, a sosode un accidente na altura di Wilhelmina Park. Chauffeur di un pickup Ford Ranger Blaco biniendo cu su velocidad halto a dal un ciclista, lagando e herida. Mesora a pidi pa presencia di polis y ambulance.

Na yegada e ciclista tabata kehando di dolor na varios pari di su curpa. Mesora e agentanan policial na e sitio a nota cu e chauffeur di e pickup tabata bou influencia y a haci un test di alchol cune, enberdad e chauffeur a supla hopi mas cu ta wordo permiti.

Polis mesora a detene e chauffeur bou influencia y ela wordo transporta pa warda di polis, caminda e lo mester presenta dilanti un Sub Fiscal.

E ciclista herida a wordo trata na e sitio pa e paramediconan di ambulance. Varios unidad di polis a presenta na e sitio, pa a yuda cera e caminda y desvia e trafico, pa asina e specialistanan di trafico por a haci mas investigacion.