L.G. Smith Boulevard/Turbo Rotonde: Diadomingo den oranan di marduga presencia di Polis a wordo pidi na e caminda paden net panort di e Turbo Rotonde pa motibo cu tin un auto laga a tras riba caminda y lo ta strobando trafico.
Na yegada Polis enberdad a topa cu un Land Rover preto, e auto tabata tin daño material na e banda di pasahero. Na e sitio no tabata tin niun persona presente, ni doño, ni chauffeur of un ocupante.
NO a keda polis nada otro di pidi pa un takelwagen cu urgencia. E takelwagen a hala e auto y a pone riba un parkeerplaats den cercania, pa asina e no stroba e trafico mas.
Na e sitio polis no a topa cu niun hende cu lo por duna e motibo pakiko e auto a keda para asina riba caminda, si acaso e por a daña y si ela accidenta, ki dia ela sosode.
