Ultimamente e caya Pindastraat ta hopi den noticia, pa e conocido pustamento y draaimento di brommer, algun dia pasa a bin topa cu un persona hinka, kende actualmente ta luchando pa su bida y awo ta varios tiro lo a cay den Pindastraat.
Pindastraat: Diadomingo den oranan trempan di mainta presencia di polis a wordo pidi cu urgencia den e conocido caya pa polis Pindastraat, den e caya aki un homber lo a los tiro. Mesora polis a bay na e sitio.
Na yegada e agentenan a bin topa cu un homber cu ta cuadra cu e descripcion duna y mesora a acerk’e. Durante cu nan tabata fouilleer e homber nan a bin topa cu un arma di candela. E homber tabata den poder di un arma di candela. Mesora e agentenan a detene e homber y a pidi pa transportwagen di polis transport’e pa warda di polis na Oranjestad.
E detenido a keda transporta pa warda di polis, mientras a pidi pa presencia di polis tecnico pa haci e parti investigativo na e sitio. E investigacion mester saca afo si ta e persona cu nan a detene ta mesun persona cu a los tiro den Pindastraat, Diadomingo den oranan trempan di mainta. Tambe e motibo pakiko of riba ken a los tiro no ta conoci.
