Yiunan di e conocido baron di droga ‘El Chapo,’ Pasco a parti autonan nobo nobo regalo na Sinaloa.
Sinaloa, Mexico: E yiu di El Chapo, Ivan Archivaldo Guzman di 36 aña a parti regalo pa esnan di menos recurso na Sinaloa. Ivan a parti entre otro coi hunga, mangel, cuminda y hopi mas.
Tambe ela regala diferente persona un auto nobo nobo. Tur esnan cu a ricibi e regalonan a keda hopi gradicido cu tur loke nan a ricibi di e yiunan di El Chapo, asina por a mira riba medionan social con e hendenan tabata gradici e yiunan di El Chapo pa e regalonan.
Actualmente e yiu di El Chapo ta na cabes di e taki di e Sinaloa Cartel cu su tata tabata maneha y asina ta continua cu e tradicionnan di su tata.
Esaki ta un tradicion cu e yiunan a sigui di nan tata, El Chapo Guzman, kende ya pa hopi aña tur Pasco tabata duna esnan di menos recurso di Sinaloa regalo, ta tras di tralie y no por continua mas cu e tradicion di tur Pasco y pa e motibo aki e yiunan a sigui cu e tradicion aki.
E baron di droga El Chapo Guzman, probablemente nunca mas lo por pisa tera na Sinaloa, despues cu ela keda sentencia cu un castigo di prison di bida largo y ta encarcela na Estados Unidos.
Su otro yiu homber Ovidio Guzman di 28 aña, recientemente a wordo gara pa autoridad local, esaki tabata riba peticion di Estados Unidos, pero hopi lihe ela wordo laga bek den libertad, despues cu un cantidad grandi di sicario a drenta den accion y autoridad na Sinaloa no por a controlanan.