Home Police Un antisocial a manda baranca den direccion di un auto cu tabata...

Un antisocial a manda baranca den direccion di un auto cu tabata riba Watty Vos Boulevard, a kibra e glas di auto y a laga e ocupante levemente herida

SHARE

Watty Vos Boulevard, Bushiri:  Diabierna algo prome cu 10 di anochi, na momento cu e chauffeur di un Chevrolet Trailblazer preto tabata coriendo riba Watty Vos Boulevard, na altura di e rotonde di Bushiri ela pasa den e susto di su bida, na momento cu un antisocial a manda un baranca den direccion di su auto y a dal e glas di bandi pasahero dilanti kibra, e ocupante sinta na banda a keda levemente herida. 

Mesora e chauffeur a avisa polis, na yegada polis a tuma tur datos y a cuminsa busca e anti social cu a tira e baranca. Nan a busca den area di e rotonde y tambe den area di e casnan di FCCA na Bushiri, pero sin resultado. 

Loke e antisocial aki a haci ta algo hopi peligroso, mirando cu Watty Vos Boulevard ta un caminda grandi y autonan ta core cu velocidad mas halto cu riba e camindanan paden. Esaki no solamente por a herida e ocupante seriamente, pero por a causa un accidente serio tambe y cu por tabata tin resultado fatal. E chauffeur a sa di controla su velocidad y no a laga e susto domine completamente. Un baranca por wordo considera un arma y especialmente mande riba un auto cu tin hende den dje, cu por resulta herida. E  antisocial aki sigur no tin tino of consenshi.