Home Politics Parlamentario Endy Croes: Minister President ta ON the Dot! “Evelyn Wever Croes...

Parlamentario Endy Croes: Minister President ta ON the Dot! “Evelyn Wever Croes cumpliendo cu 75% di e Programa di Gobernacion ‘Hunto pa Aruba’ capitulo 1 den apenas 2 aña”

SHARE

Parlamentario Endy Croes a splica cu como Parlamentario bo trabou ta pa controla gobierno pero no solamente esey, como Parlamentario nos ta vigila tambe e acuerdo di gobernacion pa asina stimula gobernantenan pa cumpli cu e palabracionnan den e programa di gobernacion ‘Hunto pa Aruba’. Entre otro implementa e puntonan di prioridad di e asina yama “Sustainable Development Goals” (SDG’s) di “United Nations Organization”, cual ta significa combati pobresa, hamber y desigualdad. Alabes ta promove sanidad, salud publico, calidad di educacion, calidad di trabao, crecemento economico sostenibel, innovacion den industria, infrastructura, energia sostenibel y pagabel pa e pueblo, mantencion di calidad di awa pa consumo. Tur saliendo di e punto di bista cu e “Hende ta Central”.

Cumpliendo cu e retonan den 2019
Durante e ultimo reunion publico unda a trata e presupuesto supletorio, Minister Presidente di pais Aruba Evelyn Wever Croes a entrega na Parlamento su Jaarverslag 2019 di tur e trabounan cu Minister Presidente a eherce durante aña 2019. Aruba den aña 2019 tabatin su retonan enorme entre otro e cuestion migratorio di Venezuela pero tambe pa alcansa normanan palabra den Protocol cu Hulanda, esta un deficit di 0.5% cual ta igual na -25 miyon florin. No obstante tur e retonan, nos por ta contento di e trabounan realisa y cu por a logra alcansa un deficit di -4 miyon florin, pues mucho mas mihor na fabor di pais Aruba den comparacion cu palabracion den protocol. Banda di esaki un presupuesto supletorio cu ta budget neutral. Pues no mester a presta placa extra manera si tabata e caso durante e ultimo 8 añanan di AVP. Alabes mester felicita Minister di Finansas Xiomara Maduro y su team pa cu e logro aki.

Di e 12 obhetivonan 9 ta den proceso
Como Minister Presidente Evelyn Wever Croes ta carga cu e responsabilidad tambe pa coordina henter e programa di gobernacion pero alabes Minister Presidente ta responsabel pa e acuerdonan den capitulo 1 di dicho programa cual ta cay directamente bou di su encargo. Den (hoofdstuk) capitulo 1 di e programa tin 12 obhetivo.

Parlamentario Endy Croes a sigui splica cu manera e Jaarverslag a drenta Parlamento a tuma poco tempo pa repas’e y compar’e cu e acuerdo di gobernacion ‘Hunto pa Aruba’. Ta di admira y aprecia cu Evelyn Wever Croes bou di su cartera a logra inicia y tin den proceso 75% di su responsabilidad. Pues 9 di e 12 obhetivonan aki ta den proceso y solamente 3 falta cual lo inicia den 2020. Banda di e 12 obhetivonan aki ancra den programa ‘Hunto pa Aruba’ a bini diferente obhetivo extra cualnan tambe a wordo ehecuta y realisa. Adhunto nos ta publica un tabel cual ta procedente di e Jaarverslag 2019.

Pabien Minister President Evelyn Wever Croes cumpliendo cabalmente cu palabracionnan ancra den e Programa di Gobernacion ‘Hunto pa Aruba’.