Home Dutch Kingdom Un cantidad grandi di cocaina haya den 40 bari di fruta gevries

Un cantidad grandi di cocaina haya den 40 bari di fruta gevries

SHARE

Rotterdam, Hulanda: Na waf di Rotterdam, durante control, Douane a bin topa cu un cantidad grandi di cocaina den un container.

Dialuna na momento cu Douane na waf di Rotterdam tabata controlando un container procedente di Brazil, nan a bin topa cu droga den barinan di fruta gevries, tabata trata di mas o menos 40 bari di fruta gevries yena cu cocaina.

E team special “Hit and Run Cargo Team”, yama HARC-team, consistiendo di Douane Recherche, FIOD y Polis di waf di Rotterdam, hunto cu Ministerio Publico di Rotterdam tin e caso aki bou investigacion. E cantidad di droga cu a keda confisca ya a wordo destrui y te na e momentonan aki no a detene niun persona.