Home Police Turistanan onbeschoft a tira cellularnan cu no ta di nan den lama

Turistanan onbeschoft a tira cellularnan cu no ta di nan den lama

SHARE

Palm Beach – Ariba di dos dia di Pasco den oranan di merdia polis a wordo dirigi na un Pier situa na Holiday Inn. Eynan un turista problematico lo a pasa man pa algun cellular y bentanan den lama.

Na yegada di polis e homber no tawata na e sitio mas, pero esnan presente por a mustra polis unda e homber a bay sinta na un bar np mucho leu.

Agentenan di Strandpolitie a cana bay unda e ta.

Polis na un bon manera a bise di kiko ta e motibo cu nan ta papiando cune. Y despues di basta papiamento e homber a saca un cellular cu ela horta. Esaki tawata cellular di un empleado cu ela horta.

Nan a cana bay bek unda e Watersport unda tur e problema a cuminsa y asina haya un miho splicacion di kiko tur a pasa.

A resulta cu e cabayero aki for di oranan di mainta a cuminsa busca problema.

Ta asina cu segun su persona elo a Book un trip ariba Catamaran cu e compania, pero e no ta mirando e Catamaran.

A resulta cu e cabayero aki su nomber y di e otro personan cu ta cune no ta aparece ariba e Booking List. Ey ta unda cu ela rabia y cuminsa haci problema.

Un dama cu tawata den grupo lo ta esun cu a pasa man pa tres cellular cual uno ta di e Compania y e otro dosnan ta di empleado.

E tawata esun cu a bentanan den lama.

Un empleado mesora a bula na lama y a logra haya dos Cell, esun di e Compania e no a logra recupera.

Polis unicamente por a tuma datos di tur loke a pasa.

Pues con y kende ta bay asumi responsabilidad pa e dañonan no ta conoci.