Weststraat – Di dos dia di Pasco esta diahuebs marduga polisnan di Playa a hayanan confronta cu un chauffeur hoben burachi hopi fastioso mes.
Tawata den careda di 5:40 a.m cu polisnan a topa cu un chauffeur cu a caba a trip y posiblemente lo tawata buscando caminda di cas.
Pero e chauffeur aki tawata burachi y a core den verboden den Weststraat pa e sali.
E chauffeur un rato prome tawata den un Club eybanda.
Polis a tope y mesora a bay atende cune y a ripara cu e ta burachi.
A lage test(Alco-sensor) y e test a sali a malo.
Agentenan a bise cu e ta wordo deteni.
Aki ta unda cu e dolor di cabes a cuminsa.
Momento cu e agentenan a bay pa pone den boei e chauffeur a cuminsa resisti fuertemente.
A dura e agentenan sigur 2 minuut prome cu nan a logra.
Na final e agentenan a pone den e boei y hibe Warda di Santa Cruz.
Ora cu Transportwagen a yega warda na Santa Cruz tawata tin un otro incidente cu e chauffeur aki momento di bay bahe.
E agente femenino cu a caba di presencia kiko tur e homber a haci na Weststraat a constata cu ela pasa su mannan padilanti.
E agente a dune ordo, cu mescos ela pasa su mannan(geboei) dilanti e pasanan bek patras !
Den algun seconde ela pasa su mannan bek patras y e ora a habri e porta di e Transportwagen pa e por a baha pa e wordo cera.