Home » Pelea entre dos homber dilanti e Night Club Gusto, ta caba cu un homber deteni y e otro cu a core pa polis

Pelea entre dos homber dilanti e Night Club Gusto, ta caba cu un homber deteni y e otro cu a core pa polis

by Admin
0 comment 41 views

Palm Beach: Diahuebs pa mas o menos 2’or di marduga presencia di polis a wordo pidi cu urgencia na e conocido Night Club Gusto, esaki pa motibo di un pelea cu tabata andando entre dos homber. Mesora varios unidad di polis a wordo manda di biaha na e sitio.

Segun informe e dos hombernan aki tabata bringando no den e club, sino pafo dilanti di e club. Polis hopi liher a yega na e sitio, pero un di e hombernan, manera ela mira polis y a scucha cantidad di sirena, ela core bandona e sitio.

Na yegada polis a bin topa cu e otro y probablemente e tabata bou influencia di alcohol of cualke otro substancia, e homber tabata agresivo y e tabata haci hopi fastioso, e no kier a coopera cu polis.

E agentenan na e sitio mester a mande vloer pa asina por a domin’e y pone den boei.

Transportwagen di polis a wordo pidi pa transport’e pa warda di Polis. Na momento di subi den e transportwagen e la resisti un poco y tabata papia palabranan menos bunita, pero e polisnan a papia duro cu ne y e ora ey si ela subi den transportwagen.

Ela wordo transporta pa hospital prome, pa asina e por a ricibi tratamento pa e slanan cu ela ricibi den e pelea, principalmente su nanishi cu tabata sangra hopi y un di su wowonan cu tabata basta hincha.

Despues cu ela caba na polie, un Patruya di polis a escolta e transportwagen pa warda di polis, caminda ela haya un cuarto gratis pa sosega.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio