Sero Patrishi – Pasco mainta un tata cu lo a bay bishita y duna su yiu bon Pasco na Sero Patrishi a haye mal sirbi.
Pasco mainta polis a wordo informa di un caso serio di maltrato.
Ta asina cu e homber maltrata lo a bay bishita su yiu cu ta bibando cu e mama y e mama su pareha nobo.
Aki ta unda e pareha nobo di e mama di su yiu a bati’e formalmente.
Bayendo pa e asistencia polis a wordo para door di e tata maltrata cu tawata den un Kia Picanto.
Agentenan a nota cu e homber a wordo seriamente maltrata na cara y tawata sangrando.
A pidi ambulance mesora un poco mas pabou di un Restaurant na Tanki Leendert.
Paramediconan cu a presenta a opta pa hiba e tata Hospital. Por a mira e tata cana subi e ambulance.
Agentenan a bay tambe direccion Sero Patrishi pa busca mas informacion.
Despues di un rato a pidi pa Recherche y tambe departamento di BFTO.
Ey nan a papia cu e homber di e ex di e homber, unda cu despues di un rato ela wordo deteni y hiba Warda di Santa Cruz unda elo lo pasa su Pasco y posiblemente Aña nobo cera pa maltrato pisa.