Home Police Basta daño material na Cura Cabay despues cu auto a ranca palo...

Basta daño material na Cura Cabay despues cu auto a ranca palo di luz, un dama a resulta levemente herida

SHARE

Cura Cabay – Pasco mainta pa mas o menos 7:15 polis y ambulance a bay ariba e caminda di Cura Cabay, unda un auto a ranca un palo di luz.

Na yegada nan a topa cu un Toyota color shinishi pazuid di caminda y ariba caminda mes basta daño material debi na e palo di luz kibra.

Loke nos a compronde e dama na stuur di e Toyota tawata bayendo direccion Savaneta y pa un of otro motibo a baha caminda na su man robes.

Esaki a causa cu ela dal contra e palo di luz y despues bay termina ta dal un mata.

Paramediconan cu a yega a bay atende e dama cu danki Dios a resulta levemente herida.

Ela wordo transporta pa Imsan .